Gold-Silver Price Today: गेल्या काही दिवसांपासून सोन्याचे दर अक्षरशः आकाशाला भिडले असून, लग्नसराई, गुंतवणूक आणि दागिन्यांच्या खरेदीची तयारी करणाऱ्या सामान्य नागरिकांची चिंता वाढली आहे. रोज बदलणारे दर पाहता “आज तरी भाव उतरतील का?” अशी अपेक्षा अनेकांच्या मनात असते. अशातच मंगळवार, २० जानेवारी २०२६ रोजी सराफा बाजारातून मोठी बातमी समोर आली आहे. आज सोन्या-चांदीच्या दरात पुन्हा एकदा लक्षणीय बदल नोंदवण्यात आला असून, नव्या दरांनी अनेकांना धक्का दिला आहे.
आजच्या घडीला सोन्याच्या दरात वाढ कायम असून, चांदीचाही भाव उच्च पातळीवर स्थिरावलेला दिसत आहे. जागतिक बाजारातील हालचाली, डॉलर-रुपया विनिमय दर आणि आंतरराष्ट्रीय घडामोडींचा थेट परिणाम देशांतर्गत सराफा बाजारावर होताना पाहायला मिळतो. त्यामुळे गुंतवणूकदारांपासून ते गृहिणींपर्यंत सर्वांच्याच नजरा आजच्या सोन्या-चांदीच्या भावांकडे लागल्या होत्या.
आज देशात सोन्या-चांदीचे नेमके काय दर?
बुलियन मार्केटमधील उपलब्ध माहितीनुसार, आज १० ग्रॅम २४ कॅरेट सोन्याचा दर तब्बल १,४७,२०० रुपये इतका नोंदवण्यात आला आहे. तर २२ कॅरेट सोन्यासाठी १० ग्रॅमचा दर १,३४,९३३ रुपये आहे. म्हणजेच शुद्ध सोन्याचा भाव अजूनही ऐतिहासिक उच्चांकाच्या आसपासच फिरताना दिसतोय. याशिवाय, १ किलो चांदीचा दर ३,१५,०५० रुपये असून, १० ग्रॅम चांदीसाठी ३,१५१ रुपये मोजावे लागत आहेत. हे दर पाहता चांदीही आता सर्वसामान्यांच्या आवाक्याबाहेर जात असल्याचं चित्र आहे.
मुंबई-पुणेसह प्रमुख शहरांतील सोन्याचे दर
राज्यातील प्रमुख शहरांमध्येही सोन्याचे दर जवळपास समान पातळीवर आहेत. मुंबई आणि पुण्यात २२ कॅरेट सोन्याचा दर प्रति १० ग्रॅम १,३४,७५९ रुपये असून, २४ कॅरेट सोन्याचा दर १,४७,०१० रुपये आहे. नागपूर आणि नाशिकमध्येही २४ कॅरेट सोन्याचा दर १,४७,०१० रुपये प्रति १० ग्रॅम इतकाच आहे. (हे दर सूचक असून, यामध्ये जीएसटी, टीसीएस आणि मेकिंग चार्जेसचा समावेश नाही. प्रत्यक्ष खरेदीवेळी दरात फरक पडू शकतो.) Gold-Silver Price Today
२२ कॅरेट की २४ कॅरेट? खरेदीपूर्वी हे जाणून घ्या
सोनं खरेदी करताना अनेकदा ग्राहक गोंधळात पडतात – २२ कॅरेट घ्यावं की २४ कॅरेट? प्रत्यक्षात २४ कॅरेट सोने हे ९९.९ टक्के शुद्ध असते, मात्र ते अतिशय मऊ असल्यामुळे त्यापासून दागिने बनवले जात नाहीत. त्यामुळे गुंतवणुकीसाठी २४ कॅरेट योग्य मानले जाते. दुसरीकडे, २२ कॅरेट सोनं साधारण ९१ टक्के शुद्ध असते. त्यात तांबे, चांदी किंवा जस्त यांसारख्या धातूंचे मिश्रण असल्याने दागिने मजबूत बनतात. म्हणूनच बाजारात बहुतांश दागिने २२ कॅरेट सोन्यातच उपलब्ध असतात.
भाव वाढले तरी सोन्याची चमक कायम
सोन्याचे दर कितीही वाढले तरी भारतीयांच्या आयुष्यात सोन्याचे महत्त्व कमी होत नाही. लग्न, सण, समारंभ असो किंवा भविष्यासाठीची सुरक्षित गुंतवणूक – सोनं आजही विश्वासाचं प्रतीक आहे. मात्र सध्याचे वाढते दर पाहता, खरेदी करताना घाई न करता बाजारातील हालचाली समजून घेणं आणि स्थानिक सराफाकडून अचूक माहिती घेणं अधिक गरजेचं ठरत आहे. आजचे दर पाहता एक गोष्ट नक्की सोनं महाग झालंय, पण त्याची किंमत अजूनही लोकांच्या विश्वासाइतकीच मजबूत आहे.